8 ನೊಹಾ ತುನೆ ತಾರಾ ಬಚ್ಚಾವೊನೆ ಘನ್ನಾ ಬಚ್ಚಾ ಹುಟ್ಟಾದೆ. 9 ಪಾಚಾ಼ತೊ ಕ್ಹುದಾ ನೊಹಾನೆಬಿ ತಿನಾ ಬಚ್ಚಾವೊನೆ ಮಿ ತುಮೊನೆ ವರಿ ಅಗಾ ಜಿವಿಸಾನೆ ತುಮಾರಾ ಮನಕ್ಹೊನೆ ವಾಗ್ದಾನ ಕರುಸ. 10 ಹಡಗಾಮಾತಾ ಆಯೆಲ ಕ್ಹಾರಾ ಪಕ್ಷಿಯೊ ಕ್ಹಾರಾ ಪಶುವೊ ವರಿ ಪ್ರಾಣಿಯೊನೆ ಮಿ ವಾಗ್ದಾನ ಕರುಸ ಜಿಮಿನ್ಪರ ರ‍್ಹಯಲ ಜಿವಿನೆ ವಾಗ್ದಾನ ಕರುಸ. 11 ಮಿ ತುಮೊನೆ ಕರಾನು ವಾಗ್ದಾನ ಸುವೈ ಕದ್ಯಾಮ ಜಿಮಿನ್ಪರ ರ‍್ಹಯಲ ಕ್ಹಾರಾ ಜಿವಿಯೊ ಪಾನಿನಾನ ಜಿಮಿನ್ಪರ ರ‍್ಹಯಲ ಕ್ಹಾರಾ ಜಿವಿಯೊನೆ ಹಜಿಯಕ್ಕಮ ನಾಶ ನೈಕರತೊ.ಕೈನ ಕದ್ಯೊ. 12 ತೆನೈಸೊ ಕ್ಹುದಾ ಮಾರಾ ವಾಗ್ದಾನೆ ಸಾಕ್ಷಿಥೈನ ಮಿ ತುಮೊನೆ ಯಕ್ಕ ಗುರುತ ದ್ಯುಸ. ಮಿ ತುಮಾರಾ ಕ್ಹಾತೆ ವರಿ ಜಿಮಿನ್ಪರ ರ‍್ಹಯಲ ಹರಿಯಕ್ಕ ಜಿವಿನಾ ಕ್ಹಾತೆ ವಡಂಬಡಿಕೆ ಕರಿಲಿವಾನು ಆ ಗುರುತ ದಿಕ್ಹಸ. ಆ ಗುರುತ ಕೆಳಾಮಾಬಿ ರ‍್ಹವಸ. 13 ಮಿ ಮ್ಹಾಡೊಮಾ ಮ್ಹೆಲೆಲ ಕಾಮನಬಿಲ್ಲ ಮನೆ ಜಿಮಿನೆ ಥಯಲ ವಡಂಬಡಿಕೆ ಗುರುತಥಾವಸ.