1 Bo twalekana nabo tukanyamuka nu mungalaba, tukagholoka mupaka piloboko lya Kosi. Ningelo lyake tukafika mu Lodi, pakufuma kula kula tukafika ku Patala. 2 Ko tukayagha ingalaba yo yikabukagha ku Fonike, po tukakwela nu kubuka. 3 Bo twafika pabuyo bo tukatesyagha akasungo ka Sayipulasi, po tukenda kundende kwake ukwa kasungo kala nukufika ku Siliya, tukenda pisila pakubuka ku Tili, ko ingalaba yikabukagha pakwisya ukatundu. 4 Po tukabaghako abamanyili kula kula, tukikalako amasiku seveni, pakulongosiwa nu Mbepo bakamubusya u Pabuli ukuti atakabuke ku Yelusalemu. 5 Loli bo amasiku ghitu ghamala, tukafumapo nukwendelela ubulendo bwitu, bosi poka abakasi na bana bakatusindikila mupaka ukufumamo mutwaya, po tukafughama pasi pambali panyanja nukwiputa. 6 Bo twalaghana nabo, tukukwela mu ngalaba, abene bakanyokela ku kwabo.

7 Tukendelela nu bulendo bwitu ukufuma mu Tili nukufika mu Putolemasi, ko tukabalamuka abitiki nukwikala nabo isiku lyoka. 8 ✝ Ilya ningelo lyake, tukanyamuka nukufika ku Kesaliya, po tukingila mu nyumba ya Filipu umulumbili, weka uwa bandu seveni bala. 9 Akaba na balindu folo abasita kusenyiwa, bo bakasololagha.

10 ✝Bo twikalapo amasiku amingi, umusololi yo akaba we Agabasi akafika ukufuma ku Yudeya. 11 Po akisa kukwitu nukusenya ulamba wa Pabuli, akipinya mwene ifinama ni nyobe nukuti, "U Mbepo Mwikemo akuti, ‘Umwenecho wa lamba uyu akwisa pakupinyiwa bububu na ba Yuda ba mu Yelusalemu, po bakwisa pakumubika mu nyobe sya bandu Bapanja.’ "

12 Bo utwe twifwa sisisi, utwe na bandu bamula mula tukamusuma u Pabuli ukuti atakanyamuke ukubuka ku Yelusalemu. 13 Po u Pabuli akamula akati, "Imba choni cho mukulila nukumba ichitima? Pakuti ndiyanisye pene pakupinyiwa loli napakufwa mu Yelusalemu chifukwa cha lita lya Malafyale u Yesu."

14 Bo twapotwa pakumunnyengela, tukamuleka nukuti, "Ubwighane bwa Malafyale bubombiwe."

15 Bo amasiku ghamala, tukiyannya nukubuka ku Yelusalemu. 16 Tukabuka nabo bamo abamanyili ba ku Kesaliya, nukumusenya yumo u Munasoni uwa ku Sayipulasi, umumanyili wakwanda, yo tukabukagha ku nyumba yake pakwikala.

17 Bo twafika mu Yelusalemu abitiki bakatupokela nu lusekelo. 18 Ilya ningelo lyake u Pabuli akabuka nutwe kwa Yakobo, po nabasongo bosi bakabako. 19 Bo abalamuka, akabapangila syosi syo u Chala akabomba ku bapanja ukwendela mu mububombeli bwake. 20 Bo bifwa isi, bakamupala u Chala, po bakayugha kwa Pabuli bakati, "Tesya wamwitu, ukuti masabuzani malinga agha ba Yuda bo bakasubila, sona bosi biyipile pa kukonga indaghilo, 21 bakabusiwa ukuti wabamanyisyagha aba Yuda bosi bo bakaba mu bapanja ukusileka indaghilo sya Mozesi, ukubabusya ukuti batakasilimule abana babo pamo bakongaghe imiteto yabo. 22 Po imba tubombe choni? Naloli bakwisa pa kwifwa ukuti wafika. 23 ✝Po bomba syo tukubusya, tuli na banalume folo bo bakafinga, 24 bababa ubasenye nukwiswepesya nabo poka, nukubalipilila ukuti babamwe iching’wili kumutu kwabo. Po bosi bakwisa pakumanya ukuti syosi syo wayugha syabumyasi, loli ukuti uwe ukwenda mundaghilo nu kusikonga. 25 ✝Loli abapanja bo bakasubila, tukabasimbila ukalata nu kutumula ukuti batakalye ichakulya cho chabikiwa kufifwani pakuba chakwiyipa, batakalye ibanda, batakalye ichinyamana cho cha nyongiwa bubu, sona batakalowe."

26 Po u Pabuli akabasenya abandu bala, ilya ningelo lyake akabomba nabo imiteto iyakwiswepesya, po akingila mu nyumba ya Chala, nukubabusya akamalile ka masiku aghakwiswepesya, sona ni fyakwiyipa fyo wesi abaghile pakubika.

27 Bo amasiku seveni ghali papipi pakumala, aba Yuda aba ku Asiya bakamutesya u Pabuli mu Nyumba ya Chala, bakasongelesya ichilundilo chosi, bakamukola, 28 bakakuta bakati, "Mwe banya Izilayeli, mutwafwe, uyu mundu yo akamanyisyagha abandu kosi na kosi pakulusamula uluko lwitu, nindaghilo sya Mozesi, ni Nyumba ya Chala iyi, sona akabasenya aba Giliki nu kwingila nabo mu Nyumba ya Chala, nukunyasya ubuyo ubwikemo ubu."

29 ✝(Pakuti bakamutesya u Tulofimo uwa mu Efeso poka nu Pabuli mukaya mula mula, sona bakinong’ona ukuti akaba we Pabuli yo akamwitisya mu Nyumba ya Chala.) 30 Po akaya kosi kakisula nifyongo, sona abandu bosi bakakindila poka, pakukola u Pabuli nukumughusila kusi ku Nyumba ya Chala, sona papapo napapapo imilyango yikighalika. 31 Bo bakughesya pa kumughogha u Pabuli, amasyu ghakatumiwa kwa songo wa basikali ukuti akaya ka mu Yelusalemu kosi kafulunganite. 32 Po pala pala usonga wa basilikali yula akabasenya abasongo bamo na basilikali nu kukindila ku chilundilo kula, bo bamutesya usongo wa basilikali na basilikali bala, bakaleka pakumukoma u Pabuli. 33 Po usongo wa basilikali akafika pala pala nukumukola u Pabuli, akalamula ukuti apinyiwe nimbingu sibili nukumulalusya ukuti, "Imba we wenu yuyuyu, sona akabomba cho choni? 34 Bamo muchilundilo bakakuta ichindu choka, abangi ichinine, umwakuti usongo wa basilikali akapotwa pakuchagha ichenecho cho chikabombiwa chifukwa cha fyongo, po akalamula ukuti bamusenye nukumubika mwilinga. 35 Bo bafika pamakwelelo agha lupaso, abasilikali bakamunyamulila mumwanya pakuti ichilundilo chikakalala ngani. 36 Pakuti ichilundilo cha bandu chikamukongagha, bakakuta ngani bakati, "Mughoghe bubu!"

37 Bo abasilikali bali papipi pa kumwingisya u Pabuli mwilinga, akamusuma usongo wabasikali akati, "Imba utanganyitikisya ukuti injughepo simo?" Po akati,

Imba uchimenye ichi Giliki? 38 Imba ute we wa mukaya ka Ijiputi, yo akandisya ifyongo nukubatangilila amafyeka folo thousand mungolongo?" 39 U Pabuli akamula akati, "Une ne mu Yuda, uwa mukaya ka Talisa muchisu cha Kilikiya, ne wa mukaya akafumukwe, po ngukusuma ukuti injughe nabo abandu bababa." 40 Bo amwitikisya, u Pabuli akimilila pamakwelelo gha lupaso nukulesya ichongo ni nyobe syake, bo baba myee, po akayugha nabo munjugha ya chiyuda akati,