Yisu miiyasambila hu Ngetesemani
36 Yisu ayidi na bayihi ba nde ŋa mbuha yi bubaateele Ngetesemani26.36 Ngetesemani Mbindulili mu ndaha ya bisu Arameni ti: ipinyili hya maadi., na nde aleeli huli bo: «Tsahalaani ŋaniiŋa, bu me ka mu dwe huuna mu uyasambila.» 37 Titswene, nde avoli Peetelo na baana ba babahala baboole ba Zebedayi, nde abaandihi umono lingebe na mangoongo.
38 Buuna, nde aleeli bo: «Mutima a me amiiluula mu lingebe mu uto natee hu ukwa. Saalaani ŋaniiŋa, na baani likanda itwadi na me.» 39 Nde ayeni mwana a lala, atsokihi hiinzi mu toto, na asambili bunuubu: «Taata a me, tso huyelimini, tahusa mbuungu yi mapasi yiniiyi lala na me. A we bu hu li litondo la me ve, ka we bu we toondi.»