Mukele mu tooni a pindu
38 Yisu abweleele: «Benu laayuhi baleeli: "Tso muutu tubi diisu li muna a nde, baafwana utuba kaka la nde. Tso muutu kuuli diinyu li muna a nde, baafwana ukuula kaka la nde5.38 Pal 21.24; Lev 24.20; Pfu 19.21 ." 39 Ka me, me ndi mu undeele benu: mu ubaavelefutala piinga mu piinga. Tso muutu teti we lipali mu tama la mbahala, bwetehele nde kaka tama lina. 40 Tso muutu toondi ubita we ŋa busu bu banzonzi mu uvolo ikutu hya we hi butulu, nyaha nde avolo napa iyunga hya we. 41 Tso muutu tsukimisi we mu usa iveeve (1 000) hi mataka, sa biveeve byole (2 000) na nde. 42 Kabila huli wu li mu uvondo we isiha, na a miinguha nde wuuna wu toondi uyaasombo huli we ve.
Luk 6.27,32-36