11 Byudya bya bisu bya kele tsuhu,
va bisu byo lolo yiniiyi.
Usa hiitu mu Nzambi
25 Yisu abweleele: «Ni mu buuna, me ndi mu undeele benu: A liba na minyongo mu tooni a byudya na byunywa bi benu lili na byo nzala mu idiingu hya benu ve. A liba na minyongo mu tooni bikutu bi benu lili na byo nzala mu nyutu a benu ve. Idiingu hyalutahala byudya talu, na nyutu bele a bikutu ve. 26 Monwaani banyunyi baa hu yulu, bo a bubaakuna ve, a bubaakuukaha ve, a bubaaswehe pasi isiha mutso binzunihi ve. Na Taata a benu wu li hu yulu ubaabuungala bo. Ka benu laalutahala bo.
28 Na mu hima benu libaaba na minyongo mu tooni bikutu? Monwaani buni bifulu bi matsyehe bibaakula. Byo a bibaasala ve, byo a bibaatiŋa bikutu bya byo ve.
34 Ni mu buuna, a liba na minyongo mu ilumbu hya ngwali ve. Mu tooni ati, ngwali ka ngwali a yo mwakulu. Pasi ilumbu na mapasi ma hyo.»