Lucas 18

Jesu Waponya Moofu Sikukumbilila

35 Jesu naakasika afwiifwi o Jeliko, umwi mwaalumi moofu wakede mumbali enzila kakumbilila. 36 Ooyu mwaalumi naakamvwa kuyoba kwe bbunga lyabantu lyalikwiinda, wakabuzya kuteeti, "Ino niinzi cicitika?"

37 Mpoonyina bakamwaambila kuteeti, "Ngu Jesu woku Nazaleta nguuyobwiinda."

38 Mpoonyina wakoongolola kateeti, "Jesu! Mwanaa Deveti! Ndifwide mangʼeke!"

39 Mpoonyina bantu bali kunembo bakamupatookela okumwaambila kuteeti aumune, kono we naakoongololesya kateeti, "Mwanaa Deveti! Ndifwide mangʼeke!"

40 Jesu naakamumvwa, wakaima okulailila kuteeti ooyu mwaalumi bamweete kulinguwe. Naakaswena afwiifwi, Jesu wakamubuzya kuteeti, 41 "Ino uyanda kuteeti ndikucitile nzi?"

Wakataba kuteeti, "Mwami, ndiyanda kubonaape."

42 Mpoonyina Jesu wakamwaambila kuteeti, "Ano kobona! Lusyomo lwako lwakuponya."

43 Mpoonyinaawo wakakonzya kubona ape, okucilila Jesu okukayoobulumbaizya Leza. Bantu boonse nibakabona namu abo bakalumbaizya Leza.