Yoani 15

Yesʉ nɨ musabibu w’ekwenene

1 Ingye nyɨrɨ musabibu w’ekwenene*15:1 Soma Isaya 5:1-4. na Thatha yo muhingi. 2 Bʉlɨ mʉthahɨ anyilashireko ow’athahekire biguma anatsawo. Hewethuwe bʉlɨ mʉthahɨ ow’ahekire biguma anasarɨrawo bʉshana aheke biguma bɨngɨ kw’aho. 3 Imwe mwamalire ɨera bʉshana n’ekɨnwa nyababwɨraga. 4 Mwikale emwishi saye nga ko nyikere emwishi senyu. Kʉbʉshɨ hathalɨ mʉthahɨ wangaheka biguma wowene alɨ athalashire ko musabibu. Nemwe kuthyo mʉthangaheka biguma muthikere emwishi saye. 5 Ingye nyɨrɨ musabibu, nemwe mʉlɨ mɨthahɨ. Yo wikere emwishi saye, nangye nyikere emwishi sɨwe, oyo andaheka biguma bɨngɨ. Kʉshangwa muthikere emwishi saye mʉthangakola kɨndʉ. 6 N’omʉndʉ amabya athikere emwishi saye, andagʉshwa embʉga nga kw’abanagʉsha omʉthahɨ nawo n’ɨʉma. Emɨthahɨ yɨrɨ ng’eyo, ɨnakʉmwa-kʉmwa n’ɨʉshwa mo mʉtsanwa naro niyahya. 7 Mwamikala emwishi saye n’ebɨnwa byaye byamikala emwishi senyu, mʉshabe ebyo mushashire, nemwe mwandahabwabyo. 8 Mwamaheka biguma bɨngɨ, Thatha nɨandahalambwa, n’aho ni mwabya bɨga baye kundu.