Yoani 20

Yesʉ ahʉlʉkɨra Marɨa w’ɨMangɨndala

11 Mo ndambi eyo, Marɨa abyaga nimene embʉga hofɨ n’erɨsɨnda, alɨ alɨra. Abere anemʉlɨra, mwunama n’ilungulira mw’ɨsɨnda, 12 mwashʉnga bamalaɨka babɨrɨ bambithe ngɨmba sa mʉshohe nibikere ho mʉbɨrɨ wa Yesʉ abyaga abombekirwe. Omʉgʉma abyaga ikere ho habyaga omuthwe wa Yesʉ n’ogʉndɨ abyaga ikere ho habyaga ebɨshando bɨwe. 13 Abamalaɨka abo mobamʉbʉtsya bathɨ: «Mbe mʉkatsɨ, ʉlɨra bʉshana na ki?» naye mwashʉbɨtsyabo athɨ: «Kʉshangwa bathokitsye omʉbɨrɨ wa Nyinya-kowethʉ, nangye nyithetsi nga bathwerewo hayi.» 14 Abere amamala ɨnegena ebɨnwa ebyo, mwabɨndʉkɨra enyuma, mwashʉnga Yesʉ nimene aho, hewethuwe mwathamɨnya ko nɨ ɨye. 15 Yesʉ mwamʉbʉtsya athɨ: «Mʉkatsɨ, ʉlɨra bʉshana na ki? Ushondya ndɨ?» Marɨa mwaganɨtsya athɨ kʉthɨ nɨ mulimi wa mw’ɨshwa eryo, mwamʉbwɨra athɨ: «Nyinya-kowethʉ, wamabya nɨ ɨwe wahekire omʉbɨrɨ ʉwe, unyikangye aho wahirirewo nangye nyendawo ho.» 16 Yesʉ mwamʉbwɨra athɨ: «Marɨa!» Naye mwabɨndʉka, mwanegena mo kɨebʉranɨa athɨ: «Rabuni!» Nɨ ɨnegena mbʉ: «Mʉkangɨrɨtsya.» 17 Yesʉ mwamʉbwɨra athɨ: «Ʉthanyɨkolagako*20:17Ʉthanyɨtsɨmbaga N’ɨnegena mbʉ lika ɨnyɨfʉnderetsya : awandɨ Mashako anegenire athɨ: Ʉthanyɨkolagako., kʉshangwa nyithetsi nyagenda ewa Thatha. Hewethuwe ʉgende eyɨrɨ bagala bethʉ ʉbwɨrebo ʉthɨ: enyɨrʉkɨra ewa Thatha, naye kuthyo nɨ Thatha wenyu, ɨye nɨ Gongo waye na kuthyo nɨ Gongo wenyu.» 18 Aho Marɨa w’ɨMangɨndala mwayafʉlɨra abɨga bw’omwatsɨ kw’amashʉnga Nyinya-kowethʉ, na kw’amamʉbwɨra ebɨnwa ebyo.