2 Hathalɨ kɨndʉ kibishire ekɨthɨndabishulwe, kandɨ hathalɨ lʉfʉmɨ olʉthɨnda kumbulwe. 3 Bʉshana n’ekyo ebyoshi mwanegenaga mo mwitsimya, byandonvwɨka mo mwɨshɨ. N’ebyo mwabʉhereranaga mo bɨshenge by’emwishi, byandahambalɨrwa ko nyithwe s’amanyʉmba.»
Oyo wangʉbahwa
4 Kandɨ Yesʉ mwashʉba negena athɨ: «Enyɨbabwɨra imwe bira baye: mʉthagenda omʉbaha abo bangitha omʉbɨrɨ, he bamamala ithawo, bathangashʉba kola kɨndɨ kɨndʉ. 5 Nyabakangya oyo mwangagenda omʉbaha. Mʉgende omʉbaha Gongo yo wangashamʉla obʉyɨngo bw’omʉndʉ, na amamala ɨshamʉlabo, alɨ na maka w’ɨgʉsha mʉndʉ yo kw’ɨrʉnga. Ega! Enyɨbabwɨra kw’oyo yo mʉgende omʉbaha.
6 «Ebishwi bɨthano bɨthalɨ ebɨnagʉtsɨbwa sengi ibiri sa faranga kuroshi? Hewethuwe mʉbyo hathalɨ n’ekɨgʉma ekyo Gongo ibirirwe. 7 Na kuthyo esonzwɨrɨ soshi s’oko mithwe enyu, Gongo etsi emɨganzo y’esoshi etho. Bʉshana n’ekyo mʉthagenda omʉbaha, kʉshangwa muwithe kɨtsɨro kɨnene kʉtsɨbʉ kʉlenga bishwi bɨngɨ.»