26 Nga ko byabyaga ko bɨro bya Noa, bithyo ko byandabya mo mʉgʉlʉ ingye Mʉgala w’oMʉndʉ nyandabya nyashʉbʉla. 27 Kʉshangya mo bɨro ebyo, abandʉ bagenda abalya n’ɨshoma, bagenda abahikya n’ihikibwa, ihika ko kɨro Noa ɨngɨraga mo bwatho. Aho ametsi mwotsula ko kɨhʉgo n’itsikya abandʉ boshi.17:27 Soma Ndangɨro 6:5-22; 7:1-23.
28 «Kuthyo ko byandabya nga ko byabyaga mo bɨro bya Loti. Abandʉ bagenda abalya n’ɨshoma, bagenda abagʉla n’ɨgʉtsya, bagenda abahera n’ihimba. 29 He ekɨro Loti athokaga mo muyi w’eSotomo, Gongo mwakimitsyamo mʉtsanwa ow’abyaga nga nvʉla ya mathwa nɨathoka mo lʉbʉla. Omʉtsanwa oyo mwatsikya abandʉ boshi.17:29 Soma Ndangɨro 18:20-33; 19:1-25. 30 Bithyo ko byandabya ekɨro ingye Mʉgala w’oMʉndʉ nyandabya nyashʉbʉla.
34 Enyɨbabwɨra, mo kɨro ekyo, abandʉ babɨrɨ bandabya nɨbagonzere kʉ ngɨngo ngʉma, mʉgʉma andahekwa n’ogʉndɨ andamikwa. 35 Bakatsɨ babɨrɨ bandabya nɨabashyera hagʉma, mʉgʉma andahekwa n’ogʉndɨ andamikwa. [36 Bandʉ babɨrɨ bandabya nɨabakola mwɨshwa, mʉgʉma andahekwa n’ogʉndɨ andamikwa.17:36 Omʉlondo ono athalɨ mʉ mashako magʉma wa kera.»]