Ɨrengwako lya Yesʉ
1 Yesʉ mwathoka ko lwitsi lw’eYorotani nɨalɨ na maka w’oMʉthɨma Mwerʉ. N’oMʉthɨma Mwerʉ oyo mwamʉthwala mo mbwarara. 2 Mwabya eyo yo bɨro makumi ane, Sitani agenda amʉlengako. Ebɨro byoshi ebyo mwathalya kɨndʉ. Ebɨro ebyo byabere byahwa, mwafwa nzala.
3 Aho Sitani mwamʉbwɨra athɨ: «Ɨwe, kwenene wamabya ʉlɨ Mʉgala wa Gongo, bwɨra eribwe eri lɨhɨndʉke mukati.» 4 Yesʉ mwamʉshʉbɨtsya athɨ: «Kushakirwe mo Mashako Abuyirire kʉthɨ: "Omʉndʉ athɨndabyeho bʉshana n’akalyo kuroshi.4:4 Soma Ɨbʉka 8:3."»
5 Honyuma kw’aho Sitani mwɨrʉkɨtsya Yesʉ y’elʉgʉlʉ kʉtsɨbʉ. Aho n’aho mwamʉkangya amamɨ woshi wa hano ishi, 6 n’ɨmʉbwɨra athɨ: «Nyakʉha obuthegeki boshi n’obushoki bw’amamɨ aya. Kʉshangwa ebyoshi ebyo nyahabawabyo, nangye nyangahabyo mʉndʉ woshi-woshi yo nyishashire. 7 Aho, wamanyɨfʉkamɨra mw’inyiramya ebyoshi ebyo nɨbyabya bɨwawe.» 8 Yesʉ mwamʉshʉbɨtsya athɨ: «Kushakirwe mo Mashako Abuyirire kʉthɨ: "Ʉgende uramya Nyinya-kowethʉ Gongo wawe, n’ɨmʉkolera ɨye mʉsha.4:8 Soma Ɨbʉka 6:13."»
9 N’oko nduli y’ebyoshi, Sitani mwathwala Yesʉ mo muyi w’ɨYerʉsalemʉ, mwamuhira ko mukuthu w’eNyʉmba ya Gongo n’ɨmʉbwɨra athɨ: «Wamabya ʉlɨ Mʉgala wa Gongo yɨgʉshe ahishi, 10 kʉshangwa kushakirwe kʉthɨ:
"Gongo andahamʉla abamalaɨka bʉwe bakutheye."
11 Kandɨ kushakirwe mo Mashako Abuyirire kʉthɨ:
"Bakʉheka mo minwe yabo, bʉshana ekɨshando kyawe kɨthatsɨkalaga kw’ibwe.4:11 Soma Saburi 91:11-12."»
12 Yesʉ mwamʉshʉbɨtsya athɨ: «Kushakirwe mo Mashako Abuyirire kʉthɨ: "Ʉthagenda ʉlenga kʉ Nyinya-kowethʉ Gongo wawe.4:12 Soma Ɨbʉka 6:16."»
13 Sitani abere amala ɨlenga kʉ Yesʉ mo nzɨra soshi, mwathamʉleka, ihika kʉ ɨndɨ ndambi.