31 Honyuma kw’aho Yesʉ mwandagalɨra mo muyi w’ɨKaperenaʉmʉ mo kɨhʉgo ky’iNgalilaya. Ekɨro ky’eSabato kyabere kyahika mwakangɨrɨtsya abandʉ. 32 Abandʉ mobashweka kʉtsɨbʉ bashʉnga emɨkangɨrɨtsye yɨwe, kʉshangwa ebɨnwa bɨwe byabyaga nibishikire.
33 Mo sinakoki eyo mwabyaga mʉndʉ nɨalɨko mʉtsɨmʉ mʉbɨ. Omʉndʉ oyo mwahambala kʉtsɨbʉ athɨ: 34 «Ahaaa! Yesʉ w’iNasareti mbe uthushondyako ki? Wahikaga bʉshana n’ithubihya? Nyikwetsi kʉbʉya. Ɨwe ʉlɨ Mubuyirire wathʉmawa na Gongo!» 35 Yesʉ mwakemera kʉtsɨbʉ omʉtsɨmʉ oyo athɨ: «Tsɨra! Na ʉthoke ko mʉndʉ oyu!» Aho n’aho omʉtsɨmʉ oyo mwahuma omʉndʉ oyo yo ahishi mo kathi k’abandʉ, mwamʉthokako bʉthamwagatsya.
36 Abandʉ boshi mobashweka kʉtsɨbʉ nɨababwɨrana bathɨ: «Kɨnwa mʉhanda ki eki? Omʉndʉ oyu abɨnga emɨtsɨmʉ ko bandʉ mo maka na kagala athɨ bathoke kʉbo aho n’aho nabo nɨbathoka!» 37 Bʉshana n’ekyo engʉlʉ ya Yesʉ moyagenda mo kɨhʉgo kyoshi ekyo.