38 Yesʉ mwathoka mo sinakoki eyo, mwaya omwa Simoni. Abere ahikamo, mweya nyatsala wa Simoni niathithimana bʉshana n’akapururu. Mobashaba Yesʉ amʉlamye. 39 Yesʉ mwunama niabindukire eyɨrɨ omʉkatsɨ oyo, mwakemera akapururu ako, nako kamamulika. Aho n’aho omʉkatsɨ oyo mwimana n’ɨthekerabo kalyo.
40 Erɨtsʉba lyabere lyalenga, mobalethera Yesʉ yo abakoni boshi bo bagenda abagalwa n’amagali mɨnamɨna. Yesʉ mwagenda ahira ko bʉlɨ mʉgʉma wa kʉbo kw’eminwe n’imulamya. 41 N’emɨtsɨmʉ moyathoka ko bandʉ bangɨ nɨeyɨhambala yɨthɨ: «Ɨwe ʉlɨ Mʉgala wa Gongo!» Hewethuwe Yesʉ mwakemeraro n’ɨkagaro ɨthanegenaga, kʉshangwa yabyaga niyetsi kw’ɨye nɨ Kirisito.