33 aBafarisayo mobabwɨra Yesʉ bathɨ: «Abɨga ba Yoani n’abʉwethʉ kuthyo abanagenda abayima akalyo n’ɨshaba. Hewethuwe abʉwawe ɨbo abanagenda abalya n’ɨshoma.» 34 Yesʉ mwashʉbɨtsyabo athɨ: «Mwangabwɨra abo bathabɨrɨkɨrwa ko buheruki mʉthɨ bathalyaga n’oyo uthaherukya nɨakɨnalɨ nabo? Kiro! 35 Ebɨro byandahika oyo uthaherukya andathokibwa mʉbo. Nɨ mo bɨro ebyo mobandagenda abayima akalyo.»
36 Yesʉ mwashʉba tsɨrabo omushinga ono athɨ: «Hathalɨ mʉndʉ yo wangatsa kɨbandɨko ko lʉkɨmba luhyaluhya n’ɨlandɨrakyo ko lʉkɨmba lukulire. Kʉshangwa omʉndʉ amayɨra athyo nɨamaberenga olʉkɨmba luhyaluhya, n’ekɨbandɨko kyo kɨthathokako kɨthangatsɨmbana n’olʉkɨmba lukulire. 37 Kandɨ hathalɨ mʉndʉ oyo unahira etifayi nyihya-nyihya mʉ bɨrega bya ngobi sikulire.5:37 Ebɨrega aBayuta bagenda bahangɨkamo etifayi byabyaga bya ngobi kʉshangwa engobi eyo ɨthangabereka mo ndambi etifayi yamahya. Kʉshangwa engobi ikulire yabyaga nɨyahera yolohire, yangaberekera bʉsha. Oyo wangakola athyo angaleka etifayi nyihya nɨyaberenga ebɨrega ebyo, etifayi nɨyashesheka n’ebɨrega nɨbyabɨha. 38 Hewethuwe, lɨtholere etifayi nyihya-nyihya niyahirwa mʉ bɨrega bihya-bihya. 39 Kandɨ hathalɨ mʉndʉ wamashoma ko tifayi yihire yowangashʉba shondya tifayi ya kera. Kʉshangwa nɨanegena athɨ: "Eyihire yo yikwirire kʉtsɨbʉ!"»