Yesʉ yo Mʉkʉlʉ w’eSabato
1 Kɨro kɨgʉma ky’eSabato, Yesʉ agenda atsʉka mo mashwa w’engano. Abɨga bʉwe bagenda abatsa ebɨkʉmba by’engano, mobahonolabyo mo minwe na mobalyaro.6:1 Ko Bayuta omʉndʉ alɨ atsʉka mw’ɨshwa lɨrɨmo kalyo kerire alɨ awirire nɨatsa ebyangalya. Ɨkola bathyo bʉthabyaga bwɨtsɨ kʉbo. Soma Ɨbʉka 23:25-26.
2 Bafarisayo bagʉma mobabwɨrabo bathɨ: «Imwe! Bʉshana na ki omʉkola ebyo oMʉgomba ethʉ ahangire ɨkola ekɨro ky’eSabato?»
3 Yesʉ mwashʉbɨtsyabo athɨ: «Mʉthahera mwathasoma ebyo omwamɨ Tawiti akolaga mo ndambi ɨye n’abandʉ abyaga nabo babere bawɨra? 4 Mwathɨngɨra mo Nyʉmba ya Gongo, n’ɨthola emikati yo bandʉ bahembaga Gongo? Ndɨ mwalyaro n’ɨha abandʉ abyaga nabo, naho, abaheri basha n’ɨbo bahamulirwe irya emikati yɨrɨ ng’eyo!6:4 Soma 1Samweli 21:1-7.»
5 Honyuma kw’aho Yesʉ mwabwɨrabo athɨ: «Mʉgala w’oMʉndʉ yo Mʉkʉlʉ w’eSabato.»