LUKA 9

Yesʉ athʉma abathʉmwa bʉwe mo mʉlɨmo

1 Kɨro kɨgʉma Yesʉ mwahindania abathʉmwa bʉwe ikumi na babɨrɨ. Mwahabo kagala n’amaka w’erɨbɨnga emɨtsɨmʉ mɨbɨ yoshi n’ilamya abakoni. 2 Mwathʉmabo bayafʉle engʉlʉ y’oBwamɨ bwa Gongo n’ilamya bakoni. 3 Mwabwɨrabo athɨ: «Mo lʉgendo lwenyu mʉthahekaga kiro na kɨndʉ. Mʉthahekaga, kɨkoma, kʉtse shaho kʉtse kalyo kʉtse faranga. Bʉlɨ mʉndʉ aheke lʉkɨmba lʉgʉma kuroshi. 4 Bʉlɨ nyʉmba mwandahʉmbɨrɨramo, mubyemo kw’ihika ekɨro mwandathoka mo muyi oyo. 5 Na bʉlɨ muyi abandʉ bamo bandathɨnda ibakokya, mʉyɨthokere mʉwo. He kw’ɨthokamo, mʉkʉngʉthɨrebo oluthuthu lw’oko bɨshando byenyu. Ekyo kyandabya kɨmɨnyɨkalo ko bandʉ abo.*9:5 Ɨkʉngʉtha oluthuthu lw’oko bɨshando ebyo binegenire bɨthɨ omʉndʉ yo ʉthathʉmwa nɨamayɨshangʉlako omʉsasɨ w’omʉndʉ oyo amathɨnda omwatsɨ athaletherwa.» 6 Aho abathʉmwa mobagenda, nɨabathoka mʉ mʉrongo n’ɨya mʉ ʉndɨ. Bagenda abafʉla eNgʉlʉ Mbʉya n’ilamya abakoni bw’ahoshi.