43 Abandʉ boshi mobashweka kʉtsɨbʉ mw’ɨshʉnga amaka manene wa Gongo.
Yesʉ ashʉba negena ko lʉholo lʉwe
Matayo 17:22,23; Marɨko 9:30-32
Mo ndambi eyo abandʉ boshi abo babyaga nɨbanemʉshweka bʉshana n’ebyoshi Yesʉ agenda akola. Yesʉ mwabwɨra abɨga bʉwe athɨ: 44 «Mʉthege amathwi bʉshana mwonvwe ebɨnwa enyishondya ɨbawɨra: Mʉgala w’oMʉndʉ ahirwa mo minwe y’abandʉ.» 45 Hewethuwe ebɨnwa ebyo Yesʉ abwɨragabo, mobathamɨnya nga binegenire bithi ki. Byabyaga nibibishire kʉbo bʉshana bathamɨnyagabyo. Na mobʉbaha ɨmʉbʉtsya nga binegenire bithi ki.