Mateus 17

Yesu aposha umulumendo uwali ne kibanda

14 Pa kubwekela ukwali bumba lya bantu, umuntu umo alishile kufukamina Yesu, 15 ati, "Shikulu kwatenipo luse pa mwana wangi umulumendo. Alikwata kipumputu kabili alatunya, pambi alaponena mu mulilo nangula mu menshi. 16 Nakimuleta ku basambi benu nomba ta bamuposeshe."

17 Yesu alyasukile ati, "Mwe bantu bakubulwa ikiteketelo kabili mwe bakalufyanya mwe! Ni panshita ndo nkaba na mwebo? Nkashipikisha na mwebo ukushinta pi? Leteni umulumendo kuno!" 18 Yesu epakukalipila ikibanda nakyo kyalifuminemo mu mulumendo, pekapo alipolele.