10 Ibo gu ibɛbɛrɛ nɛ i Xana ame iti ne, ɔkparamakayi ɔtã Bosate ɔla kaku ibiɛ gbaã. 11 Ne ɔkã ndamu ɔɣɛ sɔ, "O Bosate Ɔlesate, si aanyɔ fɔ ɔɖaborɔ̃go inyɛwe kere fiɛ aanyigi me, fiɛ aibaɣara fɔ ɔɖaborɔ̃go ɣɛɛ ata wũ ɔbirɛrɛĩ ne, iyɔ loasu wũ losɛ ise lotã-ɔ i ɔ̃ agbanayi ɔɖuɖu ame. Siwɛrɛ̃ ikparɛ̃ra kuiwɛ̃ iibapɛgu ɔ̃ iti iso kuiyikuiyi."
15 Ɣɛɛ Xana ɔtã wũ mmuai sɔ, "Ooɣo lo, wũ sate, ɔrɔ̃go wɔ nto ɔmararã so gbaã loɖe. Iiɖe wain ɣee ndã kpokporoa kumiwɛ̃ lola loɔnɛ; wũ ɔtu ame amɔrɛã nto loɖi loɣere Bosate.
17 Kere ne, Eli ɔtã wũ mmuai sɔ, "Kɛlɛ i isobuɛ ame. Israel Ɣaa si ɔtã-ɔ nnɛ akarɛ wũ."
20 Ne ɔso Xana ɔla kayiri i ɔwi wɔmɔ ame fiɛ ɔɣe ɔbirɛrɛĩ. Ɔtã wũ iyere sɔ Samuel ɔɖi ne karɔ̃ ɔɣɛ sɔ, "Alasɔ lokarɛ wũ lobɔrɛgu i Bosate kɔrɛ."