Provérbios 2

Iwola Kusia

1 Wũ ɔbi, si afɔ wũ atɔ̃me

fiɛ amɔɛ̃ wũ mmara mɛ losi-ɔ ala,

2 fiɛ akã iwola atsue

asu fɔ ɔtu asia ne iso, anɔkarɔ̃ ne,

3 si abie iwola wodoroa ku kulu,

fiɛ akɔlɛ silɔ kato akpere karɔ̃inɔ,

4 si abie ne lɛ sikãfudza awe

fiɛ anyɔnyɔ ne lɛ karana ga masu makɔla awe ne,

5 iyɔ ato aanɔ Bosate kunigã karɔ̃

fiɛ ana isaruɛ i Ɣaa itsue ame.

6 Alasɔ Bosate nsɛ ɔtã iwola,

fiɛ ɔ̃ kanya ame i inɔkpa gu karɔ̃inɔ sɛ abɔrɛ.