Provérbios 31:13-20 | Versão AKP

13 Ɔsɛ ɔbie sɛrɛrerɔ̃ siwɛrɛ̃ gu ɖɔti

fiɛ ɔsɛ ɔsu ɔ̃ nrɔɔ̃ ɔbara karabara ku isoɣɔ.

14 Ɔse lɛ kuɣamaɖese nduisoibuɛ awe,

fiɛ ɔsɛ ɔkpadzɛ̃ araɖea ɔbɔrɛgu i kudzorokɔ̃ ɔbɔ.

15 Ɔsɛ ɔrɛ ɔta mala fiɛ kaɖe sɛ kasɛ̃.

Ɔsɛ ɔtã ɔ̃ iyomaturi aɖera

fiɛ ɔsɛ ɔtã ɔ̃ maɖaborɔ̃gomi ma aɖera.

16 Ɔsɛ ɔbara adzuni ɔbie kakpɛrɔ̃ ɔɣa;

fiɛ ɔsɛ ɔsu sikã dzɛ ɔna i ɔ̃ karabara ame, ɔkpɛ̃ kamɔwĩ.

17 Ɔsɛ ɔbara ɔ̃ karabara ku ɔle;

fiɛ ɔsɛ ɔpia ɔ̃ nrɔɔ̃ ɔle ɔtã karabara.

18 Ɔsɛ ɔnyɔ sɔ ɔ̃ kuɣaiɖe sɛ ibɔ wũ kusia.

Ɔ̃ ɔkaniɛ iisɛ ɔnyi ku kasɛ̃.

19 Ɔsɛ ɔmɔɛ̃ ɔdziri wɔ iso mapia ɖɔti

fiɛ ɔsɛ ɔmɔɛ̃ katara ku arɔĩ ana.

20 Ɔsɛ ɔbusi kɔrɔ̃ ame ɔtã mawɛrɛba

fiɛ ɔsɛ ɔbuai maɣiãni.

Provérbios 31