Lucas 18

Elase Ikweyi ko Ofarisi kpi Inozegba

9 Oyesu ki kelase ikweyi kawase ni gbotu ipu koneshi wa kweyi ba mamo awa shashi sha shishini: 10 <<Ango epa gipu ko Ole ko Owuso ko ga tinarigwu, oye wo Ofarisi, omwepa wi ino zegba. 11 Ofarisi nyiso kweyi tinarigwu ikweyi ki iyinu mo: <Owuso, nkeshi wo koni nlema byase shishini lo ni; nyya wiyi lo, nyya yo ozalabi lo, nyya beba lo, nke le byi inozegba mani lo. 12 Nyya kwokwunu igbe epa ipu ko obize. Kweyi nyya zo oye ipu ki igwo ko oza ni ngbo ni kpiri.>

13 <<Inozegba ke hagye ebe lenu. Ogege ziyi mi iso lo, okwagye ya shagye mo, <Owuso mi iyinyinyi hin, inozalabi.>

14 <<Nyya kadala, inozegba go ole kpo ozalabi lo ebe ko Owuso, ole bya ashe oni lo. Koni ase ni zi iyinu iso, aba zo wo ojije lo, ase ni ke yikweyi bagye, aba zo iso.>>