MAPISAREMA 31

1 Ndinovanda mamuri, imi Jehovha;

itai kuti ndisatombonyadziswa;

ndirwirei mukururama kwenyu.

2 Rerekerai nzeve yenyu kwandiri,

kurumidzai kundinunura;

ivai dombo rangu rokuvanda,

nhare yakasimba inondiponesa.

3 Sezvo murimi dombo rangu nenhare yangu,

nditungamirirei uye mundisesedze nokuda kwezita renyu.

4 Ndisunungurei pamusungo wandakadzikirwa,

nokuti imi muri utiziro hwangu.

5 Ndinoisa mweya wangu mumaoko enyu;

ndidzikinurei, imi Jehovha, Mwari wechokwadi.