उत्पत्ति 3

17 परमेशरे आदमो खे बोलेया, "तैं जो आपणी लाड़िया री गल्ल सुणी ओर जेस डाल़ो रे फल़ो रे बारे दे मैं ताखे आज्ञा दित्ती थी कि तैं से नि खाणा, तैं से खाया, इजी खे जमीन तेरी बजअ ते स्रापित ए। तां तिजी री फसल पूरी जिन्दगी दु:खो साथे खाणी।*3:17 इब्रानी 6:8 18 जमीना ताखे कांडे-चीअट जमाणे ओर तां तिना डोरूआ री उपज खाणी 19 ओर तां कड़ी मईणत करी की रोटी खाणी ओर अन्तो रे माट्टिया रेई मिली जाणा, तूँ तिजी बीचा तेई निकयाल़ी राखेया ओर तूँ माट्टी ई तो अए ओर माट्टिया रेई फेर मिली जाणा।"