उत्पत्ति 45

यूसुफो रा आपणे पाईया रे सामणे आपणी असलियत बताणी

1 तेबे यूसुफ तिना सबी सामणे, जो तेसरे नेड़े-तेड़े खड़ी रे थे, तेसरे रोणे ई वाल़ा था ओर आका पाई की आपणे दासा खे बोलेया, "मेरे नेड़े-तेड़े रे सबी लोका खे बारे करी देओ।" पाईया रे सामणे आपू खे प्रकट करने रे बखते यूसुफो साथे ओर कोई नि था। 2 तेबे से चींगी-चींगी की रोणे लगेया ओर मिस्रिए सुणेया ओर फिरौनो रे कअरो रे लोका खे बी इजी रा समाचार मिलीगा।

3 तेबे यूसुफ आपणे पाईया खे बोलणे लगेया, "आँऊ यूसुफ ए, क्या मेरा बाओ एबुए तक जिऊँदा ए?" इजी रा जबाब तेसरे पाई नि देई सके; कऊँकि सेयो तेस सामणे कबराई गे थे।