1 शमूएल 1

22 पन हन्ना अपने मुन्शे सेइं एन ज़ोइतां घरे रुकी, "ज़ैखन बच्‍चो दुद्ध पीनू शारेलो तैखन अवं तैस आनेली, कि तै यहोवारे सामने राए, ते ज़िन्दगी भर तैड़ी राए।" 23 तैसारे मुन्शे एल्काना तैस सेइं ज़ोवं, "ज़ैन तीं रोड़ू लग्गे तैन्ने केर ज़ांतगर तू तैसेरू दुद्ध न छुटास तांतगर इड़ी बिशोरी रा; सिर्फ एत्रू भोए कि ज़ै वाधो तीं यहोवा सेइं कियोरोए पूरो केर।" एल्हेरेलेइ हन्ना तैड़ी घरे मां राई ते अपने मट्ठेरे दुद्ध छुटनेरे वक्ते तगर तैस पियाती राई।

24 ज़ैखन तैसां तैसेरू दुद्ध छुटावं तैस वक्ते तैन हेजू निकड़ू मट्ठू थियूं, तैखन तै तैस साथी घिन्तां शीलो नगरे मां यहोवारे भवने जो जेई। ते ट्लाई सालां केरू बछ़ड़ू*1:24 ट्लाई सालां केरू बछ़ड़ू इसेरो मतलब ट्लाई बछ़ड़ां भी भोइ सकते।, ते लगभग 10 किल्‍लो अट्टू, ते मसकी मां भेरतां दाछ़रो रस घिन्तां जेई।