2 शमूएल 5

राज़ेरे रूपे मां दाऊदेरू अभिषेक

1 तैन दिहाड़न मां इस्राएलेरे सारे गोट्ल दाऊदे कां गेइतां हेब्रोन नगरे मां एइतां ज़ोने लगे, "शुन, तू ते अस लोक भियालम। 2 फिरी पेइलो ज़ैखन शाऊल इश्शो राज़ो थियो, तैखन भी इस्राएलेरो अगुवो तूए थियो; ते यहोवा तीं सेइं ज़ोवं, ‘मेरे इस्राएली लोकां केरो पुहाल, ते इस्राएलेरो प्रधान तूए भोल्हो।’"✝5:2 भज. 78:71. 3 सारे इस्राएली प्रधान हेब्रोन नगरे मां राज़े कां आए; ते दाऊद राज़े तैन सेइं हेब्रोन नगरे मां यहोवारे सामने करार कियो, ते तैनेईं इस्राएलेरो राज़ो बन्नेरे लेई तैसेरू अभिषेक कियूं।