2 शमूएल 6

10 एल्हेरेलेइ दाऊदे यहोवारो सन्दूख दाऊदपुरे मां आन्नो न चाव; पन गत नगरेरे रानेबाले ओबेदेदोमेरे घरे पुज़व। 11 यहोवारो सन्दूख गत नगरेरे रानेबाले ओबेदेदोमेरे घरे मां ट्लाई महीने राव; ते तैस दौरान यहोवा ओबेदेदोम ते तैसेरे सारे घराने बरकत दित्ती।

12 किछ वक्तेरां बाद लोकेईं दाऊद राज़े ई खबर दित्ती, कि यहोवा ओबेदेदोमेरे घराने पुड़, ते ज़ैन किछ तैसेरू आहे, तैस पुड़ भी परमेशरेरे सन्दूखेरे वजाई सेइं बरकत दित्तोरिए। तैखन दाऊदे गेइतां परमेशरेरो सन्दूख ओबेदेदोमेरे घरे मरां दाऊदपुरे मां खुशी सेइं पुज़व।