गिनती 13:30-33

30 पन कालेबे मूसेरे सामने प्रजारे लोकन च़ुप केरनेरे लेई ज़ोवं, "अस हुन्ना तैस मुल्खे मां गेइतां तैस मुल्खे पुड़ कब्ज़ो केरम; असन याकीने कि असन एन केरनेरी ताकते।" 31 पन ज़ैना मैन्हु तैस सेइं साथी जेवरे थिये, तैनेईं ज़ोवं, "अस तैन लोकन पुड़ चढ़ाई न केरि सकम, किजोकि तैना असन करां जादे ताकतबरन।" 32 ते तैनेईं इस्राएली लोकां केरे सामने ज़ैस मुल्खेरो भेद घिन्नोरो थियो, एन ज़ोइतां निन्दा भी की, "तै मुल्ख ज़ेसेरो भेद घिन्नेरे लेई असां जेवरे थिये, एरहो ज़ेरोए, ज़ैना अपने रानेबालन निगली गातन; ते ज़ेत्रे मैन्हु असेईं तैस मुल्खे मां लाहोरेन, तैना सब बड़े कदे बालेन। 33 फिरी असेईं तैड़ी नपीली लोक यानी नपीली कौमरे अनाक खानदानेरे लोक लाहे; ते अस एपनी नज़री मां तैन केरे सामने टिट्टां केरे ज़ेरे लेइहोतम, ते एरे ज़ेरे असां तैन केरि नज़री मां लेइहोते थिये।"