1 ई महामारी भोनेरां बाद फिरी यहोवा मूसे ते एलीआजर नंव्वेरे हारून याजकेरे मट्ठे सेइं ज़ोवं, 2 "इस्राएली लोकां केरी सैरी मेण्डली मां ज़ेत्रे भी 20 सालां केरे या तैस करां जादे उमरारे भोल्हे, ज़ैना इस्राएली लोकन मरां जंग केरनेरे काबल भोन, तैन सियाना केरे घराना केरे मुताबिक तैन सेब्भी केरी गिनती केरां।" 3 ते मूसे ते एलीआजर याजके यरीहोए मां यरदन दरियाएरे बन्ने मोआबेरे अराबा मां तैन समझ़ेइतां ज़ोवं, 4 "बीह सालन करां जादे उमरारे लोकां केरी गिनती केरां, ज़ेन्च़रे यहोवाए मूसे त इस्राएली लोकन मिस्र मुल्खेरां निसते बार हुक्म दित्तोरो थियो।"

5 रूबेन ज़ैन इस्राएलेरू बड्डू मट्ठू थियूं, तैसेरां इना मट्ठां थियां; हनोक ज़ैस सेइं हनोकी लोकां केरो कुल च़लो, ते पल्‍लू, ज़ैस सेइं पल्‍लू लोकां केरो कुल च़लो; 6 हेस्रोन, ज़ैस सेइं हेस्रोनी लोकां केरो कुल च़लो, ते कर्मी, ज़ैस सेइं कर्मी लोकां केरो कुल च़लो। 7 रूबेनेरे कुल एन्ना थिये; ते एसमां ज़ैना गने जे तैना 43730 मड़द थिये। 8 ते पल्‍लू एरू अक मट्ठू एलीआब थियूं। 9 ते एलीआबेरां मट्ठां नमूएल, दातान, ते अबीराम थिये। एना इस्राएली लोकां केरे ज़िरिये च़ुनोरे थिये; ते ज़ैस मौके कोरह मेण्डलरे लोकेईं यहोवारी खलाफत कियोरो थी, तैस मौके तैस मेण्डली मां मिलतां मूसे ते हारूनेरी भी खलाफत केरने लगोरे थिये; 10 ते ज़ैखन तैना 250 केरी मण्डली अग्गी सेइं भस्म भोइतां मेरि मुक्‍की जे, तैस मौके ज़मीनां आशी खोलतां कोरह समेत तैना निगली छ़डे, ते तै अक कहावत बनी। 11 पन कोरहेरां मट्ठां न थियां मरोरां।

12 शिमोनेरां मट्ठां ज़ैन सेइं तैन केरे कुल च़ले, तैना इना थिये; मतलब नमूएल, ज़ैन सेइं नमूएली लोकां केरो कुल च़लो, ते यामीन, ज़ैन सेइं यामीनी लोकां केरो कुल च़लो, ते याकीन, ज़ैन सेइं याकीनी लोकां केरो कुल च़लो; 13 ते जेरह, ज़ैन सेइं जेरही लोकां केरो कुल च़लो, ते शाऊल, ज़ैस सेइं शाऊली लोकां केरो कुल च़लो। 14 शिमोनी लोकां केरे कुल एना थिये; एन मरां 22200 मड़द गने जे।

15 गादेरू मट्ठू ज़ैस सेइं तैसेरे कुल च़ले तैना इना थिये, मतलब, सपोन, ज़ैन सेइं सपोनी लोकां केरो कुल च़लो; ते हाग्गी, ज़ैस सेइं हाग्गी लोकां केरो कुल च़लो; ते शूनी, ज़ैस सेइं शूनी लोकां केरो कुल च़लो, ते ओजनी, ज़ैस सेइं ओजनी लोकां केरो कुल च़लो; 16 ते एरी, ज़ैस सेइं एरी लोकां केरो कुल च़लो; ते अरोद, ज़ैस सेइं अरोदी लोकां केरो कुल च़लो; 17 ते अरेली, ज़ैस सेइं अरेली लोकां केरो कुल च़लो। 18 गादेरे खानदानेरे कुल एना थिये; एन मां 40500 मड़द गने जे।

19 ते यहूदारां मट्ठां एर, ते ओनान त भोआं, पन तैना कनान मुल्खे मां मेरि जेआं। 20 ते यहूदारे मट्ठां केरे ज़ैना कुल च़ले, तैना इना थिये; मतलब, शेला, ज़ैन सेइं शेली लोकां केरो कुल च़लो, ते पेरेस ज़ैन सेइं पेरेसी लोकां केरो कुल च़लो, ते जेरह, ज़ैन सेइं जेरही लोकां केरो कुल च़लो। 21 ते पेरेसेरां मट्ठां इना थियां, मतलब, हेस्रोन, ज़ैन सेइं हेस्रोनी लोकां केरो कुल च़लो; ते हामूल, ज़ैन सेइं हामूली लोकां केरो कुल च़लो। 22 ते यहूदी लोकां केरे कुल इना थिये; एन मरां 76500 मड़द गने जे।

23 इस्साकारेरां मट्ठां ज़ैन सेइं तैन केरे कुल च़ले, तैना इना थिये; मतलब तोला, ज़ैस सेइं तोली लोकां केरो कुल च़लो, ते पुव्वा, ज़ैस सेइं पुव्वी लोकां केरो कुल च़लो; 24 ते याशूब, ज़ैस सेइं याशूबी लोकां केरो कुल च़लो, ते शिम्रोन, ज़ैस सेइं शिम्रोनी लोकां केरो कुल च़लो। 25 त इस्साकारी लोकां केरे कुल एन्ना थिये, एन मरां 64300 मड़द गने जे।

26 जबूलूनेरां मट्ठां ज़ैन सेइं तैन केरे कुल निस्से, तैना इना थिये, मतलब सेरेद ज़ैन सेइं सेरेदी लोकां केरो कुल च़लो; ते एलोन, ज़ैन सेइं एलोनी लोकां केरो कुल च़लो, ते यहलेल, ज़ैस सेइं यहलेलि लोकां केरो कुल च़लो। 27 ते जबूलूनी लोकां केरे कुल एन्ना थिये; एन मरां 60500 मड़द गने जे।

28 यूसुफेरां मट्ठां ज़ैन सेइं तैन केरे कुल निस्से तैना मनश्शे ते एप्रैम थिये। 29 मनश्शेरां मट्ठां इना थियां; मतलब, माकीर, ज़ैस सेइं माकीरि लोकां केरो कुल च़लो, ते माकीरेरो गिलाद पैदा भोव, ते गिलादे सेइं गिलादी लोकां केरो कुल च़लो। 30 गिलादेरां मट्ठां त इना थियां; मतलब, ईएजेर, ज़ैस सेइं ईएजेरी लोकां केरो कुल च़लो; 31 ते हेलेक, ज़ैस सेइं हेलेकी लोकां केरो कुल च़लो ते अस्रीएल, ज़ैस सेइं अस्रीएली लोकां केरो कुल च़लो, ते शेकेम, ज़ैस सेइं शेकेमी लोकां केरो कुल च़लो, ते शमीदा, ज़ैन सेइं शमीदी लोकां केरो कुल च़लो; 32 ते हेपेर, ज़ैस सेइं हेपेरी लोकां केरो कुल च़लो; 33 ते हेपेरेरां मट्ठे सलोफादे मट्ठां नईं सिर्फ कुइयां भोइ, तैन कुइयां केरां नव्वां, महला, नोवा, होग्ला, मिल्का, ते तिर्सा थी। 34 मनश्शे बाले गोट्लेरे कुल त इना थिये; एन मरां ज़ैना गने जे, तैना 52700 मड़द थिये।

35 ते एप्रैमेरां मट्ठां ज़ैन सेइं तैन केरे कुल निस्सोरे थिये, तैना इना थिये; मतलब, शूतेलह, ज़ैस सेइं शूतेलही लोकां केरो कुल च़लो; ते बेकेर, ज़ैस सेइं बेकेरी लोकां केरो कुल च़लो; ते तहन, ज़ैस सेइं तहनी लोकां केरो कुल च़लो। 36 ते शूतेलहेरां मट्ठां इना भोआं; मतलब, एरान, ज़ैस सेइं एरानी लोकां केरो कुल च़लो। 37 एप्रैमी केरे कुल एन्ना थिये; एन मरां 32500 मड़द गने जे, अपने कुलां केरे मुताबिक यूसुफेरे खानदानेरे लोक एना थिये।

38 ते बिन्यामीनेरां मट्ठां ज़ैन मरां तैन केरे कुल निस्से तैना इना थिये; बेला, ज़ैस सेइं बेलि लोकां केरो कुल च़लो, ते अश्बेल, ज़ैस सेइं अशबेली लोकां केरो कुल च़लो, ते अहीराम, ज़ैस सेइं अहीरामी लोकां केरो कुल च़लो; 39 ते शपूपाम, ज़ैस सेइं शपूपामी लोकां केरो कुल च़लो, ते हूपाम, ज़ैस सेइं हूपामी लोकां केरो कुल च़लो। 40 ते बेलारां मट्ठां अर्द ते नामान थिये, ते अर्दे सेइं अर्दि लोकां केरो कुल, ते नामाने सेइं नामानी लोकां केरो च़लो। 41 ते अपने कुलां केरे मुताबिक बिन्यामीनी लोकां केरे कुल एन्ना थिये, ते एन मरां ज़ैना गने जे, तैना 45600 मड़द थिये।

42 दानेरू मट्ठू ज़ैस सेइं तैन केरो कुल निस्सोरो थियो; मतलब, शूहाम, ज़ैन सेइं शूहामी लोकां केरो कुल च़लो। ते दानेरो कुल एहे थियो। 43 ते शूहामी लोकन मरां ज़ैना गने जे, तैन केरे कुले मरां 64400 मड़द थिये। 44 आशेरेरां मट्ठां ज़ैन सेइं तैन केरे कुल निस्से, तैना इना थिये; मतलब, यिम्ना, ज़ैस सेइं यिम्नी लोकां केरो कुल च़लो; यिश्वी, ज़ैस सेइं यिश्वी लोकां केरो कुल च़लो; ते बरीआ, ज़ैस सेइं बरीआ लोकां केरो कुल च़लो। 45 फिरी बरीआरां मट्ठां इना भोआं, मतलब हेबेर, ज़ैन सेइं हेबेरी लोकां केरो कुल च़लो, ते मल्कीएल, ज़ैस सेइं मल्कीएली लोकां केरो कुल च़लो। 46 ते आशेरेरी कुइयरू नवं सेरह थियूं। 47 ते आशेरी लोकां केरे कुल एन्ना थिये; एन मरां 53400 मड़द गने जे।

48 नप्तालीएरां मट्ठां ज़ैस सेइं तैन केरे कुल निस्से तैना इना थिये; मतलब यहसेल, ज़ैस सेइं यहसेली लोकां केरो कुल च़लो; ते गूनी, ज़ैस सेइं गूनी लोकां केरो कुल च़लो; 49 ते येसेर, ज़ैस सेइं येसेरी लोकां केरो कुल च़लो; ते शिल्‍लेम, ज़ैस सेइं शिल्‍लेमी लोकां केरो कुल च़लो। 50 अपने कुलां केरे मुताबिक नप्ताली केरे कुल एन्ना थिये; एन मरां ज़ैना गने जे, तैना 45400 मड़द थिये।

51 सेब्भी इस्राएली लोकन मरां ज़ैना गनोरे थिये तैना इन्ना थिये, मतलब, 601730 मड़द थिये।

52 फिरी यहोवाए मूसे सेइं ज़ोवं, 53 "तैन, तैन केरी गिनतरे मुताबिक, तै ज़मीन तैन केरो हिस्सो बन्नेरे लेई बेंटतां दित्ती गाए। 54 मतलब ज़ैस कुले मां जादे भोन, तैन केरो जादे हिस्सो, ज़ैस मां घट भोन तैन घट हिस्सो देनो; हर एक्‍की गोट्लेरो हिस्सो तैन केरे गनोरे लोकां केरे मुताबिक दित्तो गालो। 55 तांभी मुल्ख चिट्ठी छ़ेडतां बन्टो गाए, इस्राएली लोकां केरे सियाना केरे एक्‍की-एक्‍की गोट्लेरे नव्वां ज़ेन्च़रे-ज़ेन्च़रे निसोरेन, तेन्च़रे-तेन्च़रे अपनो-अपनो हिस्सो तैन मैल्हे। 56 चाहे हछां केरो हिस्सो भोए, चाहे थोड़ां केरो हिस्सो भोए, ज़ै-ज़ै हिस्सो बन्टो गालो, तै चिट्ठी छ़ेडतां बन्टो गालो।"

57 फिरी लेवी लोकन मरां ज़ैना अपने कुलां केरे मुताबिक गने जे, तैना इना थिये; गेर्शोनी लोकन मरां निस्सोरो गेर्शोनी लोकां केरो कुल; ते कहाते मरां निस्सोरो कहाती लोकां केरो कुल; ते मरारी लोकन मरां निस्सोरो मरारी लोकां केरो कुल। 58 लेवी लोकां केरे कुल एन्ना आन, मतलब, लिब्नी केरो कुल, हेब्रोनी केरो कुल, महली लोकां केरो कुल, मूशी लोकां केरो कुल, कोरही केरो कुल। ते कहातेरो अम्राम पैदा भोव। 59 ते अम्रामेरी कौन्शरू नवं योकेबेद थियूं, तै लेवी खानदानेरी थी, ज़ै लेवी खानदाने मरां मिस्र मुल्खे मां पैदा भोवरी थी, ते तैसां अम्रामे सेइं हारून, ते मूसे, ते तैन केरी बेइन मिर्यामी भी ज़र्म दित्तू। 60 ते हारूनेरे नादाब, अबीहू, एलीआजर, ते ईतामार पैदा भोए। 61 नादाब ते अबीहू त तैस मौके मेरि जेवरे थिये, ज़ैखन यहोवारे सामनेरां बेइयीं अग घिन्तां जेवरे थिये। 62 सेब्भी लेवी लोकन मरां ज़ैना गने जे, मतलब, ज़ेत्रां मट्ठां एक्‍की महीनेरां या तैस करां जादे उम्रारां थियां, तैना इस्राएली लोकन मां एल्हेरेलेइ नईं गनोरे, किजोकि तैन मुल्खेरो कोई हिस्सो न थियो दित्तोरो।

63 मूसे ते एलीआजर याजके ज़ैनेईं मोआबेरे अराबा मां यरीहोएरे नेड़े यरदन दरियारे बन्ने इस्राएली लोक गनोरे थिये, ते तैन केरे गनोरे लोक इन्ना थिये। 64 पन ज़ैना इस्राएली लोक मूसे ते हारून याजके सीनैरे जंगले मां गनोरे थिये, तैन मरां अक भी मड़द इस मौके गनोरेन मां न थियो। 65 किजोकि यहोवाए तैन केरे बारे मां ज़ोवरू थियूं, "तैना सच़्च़े जंगले मां मेरि गाले।" एल्हेरेलेइ यपुन्नेरू मट्ठू कालेब ते नूनेरू मट्ठू यहोशूएरे अलावा तैन मरां अक भी मड़द नईं बच़ोरो।