याद करानेबाली झालर
37 फिरी यहोवाए मूसे सेइं ज़ोवं, 38 "इस्राएली लोकन सेइं ई गल ज़ो, कि अपने पीढ़ी-पीढ़ी मां अपने लिगड़ां केरे कूने पुड़ झालर लेइतां रखनी, ते एक्की-एक्की कूनेरी झालरी पुड़ अक नीलो फीतो लेइतां रखनो; 39 ते तै तुश्शे लेई एरी झालर भोए, ज़ैस सेइं ज़ैखन-ज़ैखन तुस तकथ, तैखन-तैखन तुसन यहोवारे सारे हुक्म याद एज्जन, ते तैन तुस मन्नथ, ते तुस अपने-अपने मने मां ते अपनो आप कैबू मां रेखतां व्यभिचार न केरथ, ज़ेन्च़रे अज़ तगर केरते एवरेथ। 40 पन तुस यहोवारे सारे हुक्म याद केरतां तैन मन्ते रेइयथ, ते अपने परमेशरेरे लेई पवित्र बना। 41 अवं यहोवा तुश्शो परमेशर आईं, ज़ैनी तुस मिस्र मुल्खे मरां केढतां आनोरेथ, कि तुश्शो परमेशर भोईं, अवं तुश्शो परमेशर यहोवा आईं।"