38 "इस्राएली लोकन सेइं ई गल ज़ो, कि अपने पीढ़ी-पीढ़ी मां अपने लिगड़ां केरे कूने पुड़ झालर लेइतां रखनी, ते एक्की-एक्की कूनेरी झालरी पुड़ अक नीलो फीतो लेइतां रखनो; 39 ते तै तुश्शे लेई एरी झालर भोए, ज़ैस सेइं ज़ैखन-ज़ैखन तुस तकथ, तैखन-तैखन तुसन यहोवारे सारे हुक्म याद एज्जन, ते तैन तुस मन्नथ, ते तुस अपने-अपने मने मां ते अपनो आप कैबू मां रेखतां व्यभिचार न केरथ, ज़ेन्च़रे अज़ तगर केरते एवरेथ।
Publicidade