15 Bi ààgu náá, mɛnyel men ɛ́ esum e nyel ɛ Klisto? Mɛ ɛ́ nɛ ghwyil ɛnɔɔ sum nyel ɛ Klisto, étɛp kɛsa náá, ye di sum nyel ɛ moma mɛzɔ? Ààbɛ, ye tok deenek! 16 Bi ààgu náá, mot di esɛɛga goŋ nɛ moma mɛzɔ ɔ, bɛ nɛ nɛ moo ɛ́ nyel ngɔt é? Yɛ ɛ́ dáa ye di kwyala tɔ Mɛkana ɛ Zɛɛb ɛ: «Bɔɔ djas bɛbá aakadi ɛ́ mot ngɔt6.16 Mɛk 2.24.» 17 Tin, mot di tɔ ɛgwakel nɛ Ghɛŋ ɔ, nyɛ moo ɛ́ mot ngɔt bɛ nɛ nɛ tɔ sisim.
18 Deenek, kyeeka mɛzɔ, etɛɛ náá, mot sa syem mɛzɔ ɛ́, nɛ nyel’ɛ met. Yɛ ɛ́ kabɛ edhiiti mesyem ɔɔ, ye sael ɛ́ ɛtsetaɛpe nɛ nyel. 19 Bi ààgu náá, mɛnyel men ɛ́ ndjaa Sisim na Dɛɛ? Sisim di tɔ len ɛ, Zɛɛb nyɛy ɛmet ɛ nadjɛ bin Sisim tak. Tin, mɛnyel men tokapɛ yebɔ met. 20 Zɛɛb naazebɔm bin nɛ boo mɛtaŋ. Tin, bi goka ɛ́ nɛ ɛdjɛ Zɛɛb duu nɛ mɛnyel men dáa ye di egoka ɛ.
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)