1 Coríntios 9

Ɛdjek ɛkɛ é ze ɛ Klisto

24 Bi nɛ gu náá, bot ɛ di esa mɛboola mɛ ɛwyis ɛ kaab ɔ, bɛ kan kaab ɛ́ bɔɔ djas, é di’enek, mot ngɔt ɛ́ di ekɛkwak ɛbela efute. Yɛ bɛ náá, bi ɛpesa mɛboola mɛ kaab ɔɔ, bi goka ɛ́ nɛ ɛkaab tyee wat di náá, bi neekɛbela efute. 25 Deenek, bot ɛ di esa mɛboola mɛ ɛwyis ɛ kaab ɔ, bɛ goka ɛ́ nɛ ɛmaad ɛ lyem tɔ etɛp djas. Bɛ dyeebasa deenek ɛ́, étɛp bɛ neebela kɔtɔ duu*9.25 kɔtɔ duu ye nadje-djɛaa bot ɛ́ bhii bɛ nadi ekwak mɛboola mɛ bɛ nadi esa ɛ. Dhiiti ekɔtɔ e tak nasael ɛ́ nɛ eka nɛ mɛzɛm mɛ ele. di ààbɔya nɛ ɛgwyɛ ɛ. Tin, bisɔ dyeebasa zii ɛ́, étɛp ɛbela kɔtɔ duu na kɔm-kɔm. 26 Étɛp tak ɛ́, ye di náá, é ghɛŋ mɛ di esa mɛboola mɛ ɛwyis ɛ kaab ɛ, mis mam gwyák ɛ́ kɔtɔ duu. Mɛ ɛ́ dáa mot mɛboola mɛ tuub, ekuta bɛ ààbyak mbɛs. 27 Mɛ ààduwal nyel’am, mɛ nɛ tiig yɛ ɛlyelɛpe. É kaab náá, bhii mɛ di egoola Mbɛɛ Bhaadal nɛ bɛdhiiti bot ɛ, mam ɛmet ɛzɛkɛdisaa tɔ bot aabela efute ɔ.