1 Coríntios 7

Malagilicho ga kutola

1 Suwe, kutiya gala makani gye mkanisimbiye.

Kuva ndi unofu mgosi abihile kutola. 2 Ila kwakuva vanu vongofu vigita ugoni hilo, suwe, kila mgosi aveche na mdala vake na kila mdala aveche na mgosi vake. 3 Mgosi amgitiye mdala vake ngita peing’ang’a na mdala amgitiye mgosi vake ngita peing’ang’a. 4 Mdala ihela umwimike pakyanya lya muvili vake, ila mgosi vake nde ana umwike. Ndeni ndeni mgosi ihela umwimke pakyanya lya muvili vake ila mdala vake nde ana umwimike. 5 Mubihile kwikacha mivili gyenu. Ila ngita mwidikilane kuleka kwa chipindi chidodo hela mwiyeche kwa Nguluvi, pambele mwiwuyile neke Setani abihile kuvagecha kuhumana kwa kuyihunichila.