Mateus 20

Yesu akuvananicha vanu vavili vagaya meho

29 Yesu peakali ihega mumwani va Yeliko, na vanu volofu hilo, vakamfwatile. 30 Suwe, kukali na vagaya meho vavili vakalile palubali lya mung’asi na pevapulike kuva Yesu ichumbila bahala, vakabwatile, "Mtwa, Mwana va Dawudi, utuwonele lusungu!"

31 Lila lipinga lya vanu likavakabusa na kuvalongela vachike. Ila vawo vakaginicha kubwatuka, "Mtwa, Mwana va Dawudi, utuwonele lusungu!"

32 Yesu akahimile, akavakemela na kuvahucha, "Mwikela ndivagitile liki?"

33 Vakamuhigile, "Mtwa, tusaka tulole."

34 Suwe, Yesu akavawonela lusungu, akavakolela meho gyawo, bahobaho vakavesile kulola. Vakamfwatile Yesu.