Atos 3

Bitrus a Den Nji ri bre ri Nkpuzhu Kpa Chuwo

1 Chachu ri Bitrus nga Yohana wana hi tra bre ri vi bre ri krefi tra ri Izhi. 2 Imba nji ri riwa a ran to zren ran tu chachu riwa wa ngɨzhi-u, wa ban hu ngamba hi ri nkon tra bre riwa wa yo ri a bi, ritu no ran ibrewawa wa gra ri tra bre. 3 Riwa a to Bitrus mba Yohana wana gra ri tre bre, ka bre wa nkɨren. 4 Bitrus ka yau bibi wa Yohana. Imba Bitrus ka tre, <<Ya ta!>> 5 Imba isron nji-a ka kɨwan ye ri wa, ran ran gben kya riwa wa no.

6 Imba Bitrus ka tre, <<Azurfa ko Zinariya me ran he ri wu ran, ama ikya riwa me he ri wu me no-u. Rimi nde Yeso kristo nji Nazare, wulunde zren.>> 7 Imba Bitrus ka vu kuwo ri ran nzuu ban shu, imba mgibreri kpɨraza nji-a waka senkpa. 8 Nji-a ka wulunde za kɨrinde ran gra zren ran ran gbresan nde Izhi. 9 Nji wawu wato a ran zren ran ran gbre Izhi, 10 wa to ri a he nji riwa a ran son ri nkontra bre Izhi ran ran bre, nga wa ran ti mamaki ritu kya riwa a ti ri wu.