Lucas 1

Ise Zakariya

67 Imba Iyu Tsitsri ka shu tiwan Zakariya ka tre: 68 << Bachi Izhi riwa Israila, Riwu nye igibree,

Ritu riwa a ya nziri ran kpan Izhi wan chuwo.

69 A nzuu nji riwa ari kpawa chuwo ri Izhi riwa a he ri nkpen gbre ritu mbu,

Riwa a Juu ri gɨzhi gran wan Doda

70 Bibi rimiren riwa a zhu rinyu wawa wa la tre Izhi wan wa Tsitsri mba

71 A kpata chuwo riwo wa kpan fu mbu,

ita ri ri wawa wa kamba ri ta-

72 ritu tsro lo sron riwa a ti ri wa ti timbu

a taka tre riwa a kadzi rɨme ri Tsitsri ritu mba,

73 wawu nye he shiji riwa a ti ri timbu Ibrahi.

74 Ritu riwa a kpata ri chuwo riwo wa kpan fu mbu,

ki hu kiran ti sisiri ran,

75 tsede ri Tsitsri ri dindi ti kusi wan, wawu ri vi mbu.

76 <<A wu, vi vren nyin, wa tre riwu ri wuhe nji riwa wu la tre Izhi riwa wa gbre wu;

wu gbuchi hi kusi Bachi wuri mɨlan nkon wan ti,

77 la nji tre wan ri kpawa chuwo.

wato ika meme ti mba rega,

78 ritu ikpa lo sron riwa Izhi mbu,

ri shu nye ikpan ri bu mbre ri zhu rita rishu mu nye fa ari kpan ri ta,

79 ran kpan tsro wawa wa son ri mi bu.

ri wawa wa son ri nyu kuu,

don zhu rita ri nkon son sisiron.>>