Marcos 6

22 Riwa ivra Hirudiya a gra ran nglu ri kusi Hirudus nga wa tsren wan. Ichu Hirudus ka miyen vra-a ri<<Ingye nye wu wa me ti ri wu? kongye riwa wu miyen, me ti-u ri wu.>> 23 Kau ri shizhi ichu a shi ri vra-a ri,<<Ko ngye riwa wu miyen me no-u, ko ran he iŋɨma kpanchi son won nye.>> 24 Ivra-a ka zhu hi raa ran miyen yi wan ri,<<Ingye nye me miyen,>> Iyi wan ka tre ri,<<Miyen tu Yohana nji ri son nji tu ri ima.>>

25 Ri bubu wan ka wulutsu bru hi ri chu ran ka la-u ri,<<Me wa zizan-en wuri no wen tu Yohana nji ri son nji tu ri ima rimi bibɨre!>> 26 Ri wo ngamba, ichu ka ti shnji sron bran, ama ritu shizhi riwa a shi nga ritu wa tsren wan-a a ran wa ran ka ŋyo-u ran. 27 Ka ti nji ri ndu wan ndu hi iri no hi ran ngɨzhi tu Yohana ye, nji-a ka hi ran ka hwen tu Yohana ri tra tren, 28 a ngɨzhi-u rimi bibɨre ye ran ka no vra-a, wawu vra-a ka kpa ka no yi wan.