Mateus 20

Wa ndu ri zhu

1 << Kpanchison ri shu a he bibi nji ri ko riwa a zhu ri mbambɨre ran vuu wandu no wa tindu ri wu ri zhu klonkɨron ri ro. 2 Yeso a yɨme iri wawu ri no wa kɨren dinari riri ri ji ran tru wa hi ri zhu wan.

3 Ri kɨrefi chu wa ka zhu ran ka to wari waki kuklu rinyu richu. 4 Rantre riwa ri <Biyi hi riwa rizhu won ngawen, me han yi kya riwa a tsra.> 5 Imba waka hi Ka bru zhu nganga ri ji ri kɨrefi hari, ran bru ti kamba me. 6 Riwa yawulu a ti ka bru zhu ran fe ka wari wa ki, ran miyen wa <Ingye ti ko bi ki kuklu kuu ji?> 7 Wa ka tre riwu ri,<Ritu riwa injo ran vu ta ndu ran.<Biyi nga wen hi bi ri ti ndu ri zhu won.>

8 <<Riwa yawuru a ti, nji ri ri ma ka tre ri nji riwa a ka zhu chuwo ri wo wan,< Yo wandu wuri han wa nkɨren ndu mba, gbuchi ri wa wa waye kugon hi riwa wa wa ye gbuchi.>

9 Wandu wa wa waye ri kɨrefi hari waka fe kɨren dinari yiyiri ko ngha mba. 10 Riwa wa wa wa vuwa ye ri mimilan wa yonga wa wa wa kpa han wa wa waye kugon, ama wa ka kpa bibi riri me. 11 Riwa wa kpa nkɨren-a wari gra ti fu rnji ri rɨma-a. 12 <Wanyi watindu ri awa riri, watre ri ki tindu kuu ji pii ki so yaa iji hu-ta.>

13 Ka kpa yɨme ri ri imi mba,<Ikpan won wo>, ra tre ri<Me ran sen-u ran. yo me tsra reriwu ritu dinari riri 14 Kpa nkren wen wuri hi kawen. Ame me yɨme me ri no wa wa waye kugon bibi riwa me no-u. 15 Me ran heri gbengbren riwa me ti kya riwa meti ri nkɨren won ran? Ka wu tifu ritu dindi ti won?

16 <<Wawunye ri gbuchi ri he ri kugon, ri kugon ri he ri gbuchi.>>