1 <<Ri vi mba kpanchison ri shu ari he ka mirimba wuru wawa wa ran to ronron zari ran riwa wa ban wuru mba wari hi bubu zon ron wa sa nkon. 2 Iton rimi mba wa he wa timkpɨran nga ton wa he wa wiwɨri. 3 Wawa wati mkpɨran wa ban wuru mba wa ran sro nye ran. 4 Wa wiwɨri wa ngɨzhi nye mba ri gbanran kabruri wuru mba. 5 Iron wasa a wu vi ri bubu ye, wawu mba wa ka ki kumbɨra wari kruna.

6 << Ri tsutsu chu wa ka wo yo:<Ngye>Iro wasa ri ye een! Juu ye bi ri zon-u ri nko!>

7 Imba mirimba waa wa ka wurunde wari milan wurumba ti. 8 Wa ti mkpɨran-a wa ka mɨye wa wiwɨri,< no wa ti nye mba no wawa; iwulu mba ri yɨwi.>

9 Wa ka tre ri <onhon,>Aran tsrata wayi ran. Hi bi ri rewa mbi.>

10 <<Riwa wa he nkon ri hi bubu renye, iron wasa ka ye. mirimba waa wawa wa kɨma ngamba ti wa ka gra riwu rimi tɨra logran. Nga wa ka kankon.

11 <<Imba wa ri wa ka ye kugon. <Nji rinkon! Nji rinkon!>A tre.<Bu nkon rita!>

12 <<Ama ka tre,<Me layi kpunji tre, me ran toyi ran.>

13 <<Mɨlan kambi ki, ritu bi ran to vi wan ko chachu wan ran.