Matiu 25

Ntɨma nga Yawo

31 << Inde Vɨren Nji ye ri nkpen wan, nga imirindu Izhi riwu, ari son kpanchison wan ri shu ri nkpen wan. 32 Mgbumgburu me wa ka bru kusi wan, ari ga nji ti nkan bibi riwa nji ri kɨshu ntɨma ri ga yawo iwa ntɨma ti nkan. 33 Ari ka ntɨma ki kuwo ri ran ka yawo ki kuwo ta.

34 << Imba ichu ri tre ri wawa wa he kuwo ri, <Ye, biyi wa ti won ti luwu dindi sro ri yi; kpa gado mbi, kpanchison riwa wa milan ti zi riyi tu chachu riwa wa ti mme. 35 Riwa iyon a ran ti wen wu no wen kya me ri, ilama a ran ti wen wu nowen ima me so, me ye tsɨren wu ka yowen gra riko, 36 Me ran wa tsro wu ka no wen tsro wen, me ran lo wu ka den wen, me he ri tɨra tren wu ye to wen.>

37 Wa tsitsri wa tre riwu,<Bachi, shitan ki to-u ka iyon riti-u ki ri no-u la, ka ri la ima ki ri no-u ima so? 38 Shitan ki to-u, wu ye tsɨren ki kpa-u gra riko, ka wu wa tsro ki ka no-u? 39 Shitan ki to-u ka wu lo nga ka wu he ri tɨra tren ki ri ye tre riwu? 40 Ichu ri tre, <Me layi kpunji tre, ikya riwa bi ti rimi miri vayi won riwa a he fiwen, bi ti rimo.>

41 <<Imba ari tre ri wawa wa he ku wota,< tsiri nkon mo, biyi wawa wa la nyu riyi, gra rimi wuru riwa wa ka zi ri meme nji ri miriko wan. 42 Riwa iyon a ran ti wen bi ran no wen kya me ri ran, ilama a ran ti wen wu ran no wen ima me so ran, 43 Me ye tsɨren wu ki ran no wen gra riko ran, me ran wa tsro bi ki ran nowen tsro ran, me ran lo me ri he ri tɨra tren bi ran ye ya wen to ran.>

44 Wa wa ngawen wa tre ri, <Bachi, shitan ki to-u iyon a ran ti-u ka la ima, tsɨren, ka wa tsro ka wu lo, ka wu he ri tɨra tren riwa ki ran ye zon-u ran?>

45 Ari tre,<Me layi kpunji tre, ikya riwa bi ran ti ri ri rimi riwa a he fifi rimi wanyi ran, bi ran ti ri mo ran.>

46 <<Imba Izhi ri vu wawa wa timeme ti hi ri bubu so ya riwa a ran yitu ran, ama ari vu wawa wa ti dindi ti nga wa tsitsri hi wa son ri wu riwa a ran yitu ran.>>