Matiu 9

Ivɨra Yayirus mba wa riwa a ran zhu yi riwa a bre wo ri nyu tsro Yeso

18 Riwa Yeso a he mi tre nganyi, rikon wa Lokpa ri ka ye ran kɨbu ngbazhu kusi Yeso ran tre, <<Vɨra won kuu zizan ye wuri bre wu wo, ari wurunde.>> 19 Imba Yeso ka wurunde ri wa miriko wan ran hu.

20 Nga iwa ri wa a ti se wuru don hari riwa a ran zhu yi, ka ye kugon wan ran bre nyu tsro wan wo. 21 A tre ri,<<Ko me bre wo tsro wen megyen me fe si.>>

22 Yeso ka kɨma ya ran tou. Na tre ri wu, <<Hi ngawen, ikpa nyime wen a no wu si.>> Imba nye ka fe si.

23 Riwa Yeso a hi ri ko rinkon wa Lokpa, ran to wa nvɨri rangan ri kpanji riwa wana kagbamu. 24 Yeso ka tre,<<Don nkon. Ivɨra yin ran kuu ran, ari kruna.>>Wan nzawu ri tsɨri. 25 Riwa wa dzu wa zhu ra, imba Yeso ka gra ran vu ri wo, imba ivɨra ka wurunde. 26 Itre a ka shan gra rimi gbu.