Mateus 1

20 Vyoyawele yochijesa mbuli ayo, mhilisi wa Mkulu kamlawila koyawasile nakalota yolonjelwa kota, "Yusufu, mwana wa Daudi, uleche kudumba kumhola Maliya yawe mchewako, kwa vila heye kana himila kwa ludali lwa Muhe Yelile. 21 Naye koponda mwana mlume na hegwe komha itagwa Yesu*1:21 Yesu Kwa Chijilichi na kwa Chiebulaniya, ulonzi awu una mana Mkulu kangulohola., kwa vila heye ndo yowalohola wanhu wa heye kuli gehile ga hewo."

22 Lelo aga geng’ha nagalawila leka kweneza wula ulonzi wa Mkulu loyaulonjile kwa kukolela mloli,

23 "Mdala yohanating’hana na mlume kowa na himila na koponda mwana mlume, nawo womchema itagwa Imanweli,"

Itagwa Imanweli, lina mana ya Nguluwi ka hamwe na hetwe.

24 Yusufu vyoyalilimche nakamhola Maliya kota mhilisi wa Mkulu vyoyamlonjele yadite. 25 Ila Yusufu hawasile na Maliya mbaka loyampondile mwana mlume. Naye Yusufu nakamchema mwana ayo, Yesu.