Evangelium Johanes 1

45 Filippus finjt Natanael un sajcht to am: Wie haben dän jefungen, von däm Moses em Jesaz un de Profeeten jeschräwen haben, Jesus von Nazaret, Josef sien Sän. 46 Un Natanael säd to am: Kaun von Nazaret irjentwaut Goodet komen? Filippus sajcht to am: Komm un kjikj! 47 Jesus sach Natanael no Am komen un sajcht von am: Kjikj, een woarhauftja Israelit, en däm kjeen Faulschet es. 48 Natanael sajcht to Am: Wuahäa kjanst Du mie? Jesus auntwuad un säd to am: Ea Filippus die roopt, aus du unja däm Fiejenboom wieescht, sach Ekj die. 49 Natanael auntwuad un sajcht to Am: Rabbi, Du best Gott sien Sän, Du best de Kjennich von Israel. 50 Jesus auntwuad un säd to am: Wiels Ekj to die säd: Ekj sach die unja däm Fiejenboom, jleefst du? Du saust noch jratre Dinja seenen aus dise. 51 Un Hee sajcht to am: Woarhauftich, woarhauftich, Ekj saj junt: Von nu aun sell jie dän Himmel op seenen un Gott siene Enjel nopp un rauf gonen opp dän Menschensän.