Evangelium Johanes 3

Kjeen Läwen, onen Gloowen aun Jesus

16 Wiels Gott haft de Welt soo jeleeft, daut Hee sienen eenjebuarnen Sän jeef, daut aule, dee aun Am jleewen, nich veloaren-gonen, oba daut eewje Läwen haben. 17 Wiels Gott haft sienen Sän nich en de Welt jeschekjt, om de Welt to rechten, oba daut de Welt derch Am mucht jerat woaren. 18 Wäa aun Am jleeft, woat nich jerecht, oba wäa nich jleeft, es aul jerecht, wiels hee nich jejleeft haft aun dän Nomen von Gott sien eenjebuarna Sän. 19 Un dit es daut Jerecht, daut daut Licht en de Welt jekomen es, un de Menschen leewden de Diestanis mea aus daut Licht, wiels äare Woakjen wieren bees.