Lucas 1

Maria äa Leet

46 Un Maria säd: Miene Seel erhäft dän Harn, 47 un mien Jeist freit sikj en Gott, mienem Heilant, 48 wiels Hee haft daut Jerinje von siene Deenarin aunjeseenen; kjikj, von nu aun woaren mie aul de Jeschlajchta seelich nanen. 49 Wiels de Majchtja haft groote Dinja aun mie jedonen, un heilich es sien Nomen; 50 un siene Boarmherzichkjeit rieekjt von Jennerazion to Jennerazion äwa dee, dee Am ferchten. 51 Hee haft Macht je-eeft met sienem Oarm; Hee haft dee vestreit, dee en äare Hoatens-Jesennunk huachmootich sent. 52 Hee haft Jewaultje vom Troon raufjestat un Jerinje erhowen. 53 De Hungaje haft Hee met Jieta jefelt un de Rikje ladich wajch-jeschekjt. 54 Hee haft Israel, sienen Kjnajcht, jeholpen, en daut Hee sikj aun siene Boarmherzichkjeit erinnad; 55 soo aus Hee to onse Vodasch jerät haft, to Abraham un sienem Nokomen fa eewich.