Romanos 10

12 Wiels doa es kjeen Unjascheet mank Juden un Griechen: Wiels deeselwja Har äwa aule, es rikj fa aule, dee Am aunroopen. 13 Wiels "wäaemma dän Nomen vom Harn aunroopen woat, saul jerat woaren."

14 Oba woo sellen see dän aunroopen, aun dän see nich jejleeft haben? Un woo sellen see aun dän jleewen, von wäm see nich jehieet haben? Un woo sellen see hieren onen eenen Prädja? 15 Un woo sellen see prädjen, wan see nich jeschekjt woaren? Soo aus jeschräwen steit: "Woo scheen sent de Feet von dee, dee daut Evangelium von däm Fräd vekjindjen, dee daut Evangelium von daut Goode vekjindjen!" 16 Oba see wieren nich aula daut Evangelium jehuarsom. Wiels Jesaja sajcht: "Har, wäa haft onse Prädicht jejleeft?" 17 Aulsoo kjemt de Gloowen ut de Prädicht*10:17 Ooda: daut Hieren., oba de Prädicht*10:17 Ooda: daut Hieren. ut Gott sien Wuat.