1 A kwanki mu na Seleki Yiridu para ka worede nsubiya Yesu, yaa so de sa su takaasi. 2 Yiridu sa su kisa Yakubu, yayiwa ni Yaaya, nja obalaba. 3 De Yiridu geni mbo mu jima Yawudawa, e sigeba ka Biturusu du. Mbo mu paru kwanki ni mbosi ni buki ni buredi de mani darigaza ba. 4 A beyi de Yiridu ka Biturusu, e sayi a siki jaru, e leyi ba keshi wuru ni shoja de su kpanku jaru. Yiridu yaa so de e butu e yi a woze de gwada e yi a pili bayi Buki ni nyenteri.

5 De Biturusu ma a siki jaru, sede nsubiya Yesu su ma lepa ba Mirikisi soseyi a kiya Biturusu.

6 Kami dederi de Seleki Yiridu yaa so de zo gwada Biturusu, de Biturusu yaa yi kwana a sisika shoja bi, domuna nja angwe ni serika bi, nsu kpanku kopa ni jaru ni su sakisi a baki ni kopa. 7 Dandani se Meleku ni Obagizi yi asikye a siki jaru ni. Meleku ni kpa Biturusu a keteri e dege yi a bisi. Meleku nkye,<<Yi seberi, de ki dege a bisi!>>e pala, se serika ni butu puari a wuya nani Biturusu.

8 Se Meleku gye yi nkye, <<Sa riga nja takalami ake.>> Se Biturusu yi mbode e pala. Meleku gye yi nkye, <<Yaapi ogbodo ake de ki biya ni,>> 9 Biturusu butu a siki jaru biya meleku zo a woze, sede e shina ko mbode Meleku ni yaa yi e ma gaskye na ba; e ma nkye ko e ma yi anashi na. 10 De su bishe nsu kpanku jaru ni daa nja ni bi su zo a siki kopa ni keripi da de biya ta a siki geri. Kopa bure ba su nkiya e yi, se su butu. De su zo a karishe ni turiki daa, dandani se Meleku ni bila e yi.

11 Ayan Biturusu kuma zo ANKI e yi e pala nkye, <<Kuzukam Ni shina ema gaskye! Obagizi na saka Meleku e yi de e butu ni dege nani ni Yiridu nja guru mbode Yawudawa sua tunani yaa paru.>>

12 De Biturusu geni mbode paru nja shi, e te a gizi ni Meremu amaa ni Marikusu, anya de ntani nyowa tala su ma yi lepa. 13 Biturusu buga kopa ni kolonwa, yaa mase daa de ma bunwa seni e yi Roda zo de e geni ko waa ma buga kopa. 14 De Roda zi murinya ni Biturusu, e sika ni peri siki e bure kopa ba e kuma mbayi ni gudu e pala gye su nkye, <<Biturusu na sakisi a baki kopa!>>

15 Su pala gye yaa mase ni nkye, <<E shina mbode e mayi ba. Yaa mase ni ma te pala gye su, su nkye, <<Yaama meleku e yi na.>>

16 Sede Biturusu te buga kopa, de su bure kopa su geni Biturusu sakisi, su yi mamanki. 17 Biturusu yi su beta ni nani nkye su yi shuru e gye su yiri de Obagizi butu nshi a woze siki ni jaru. E pala nkye <<Ku gye Yakubu nja yayuwa a kiya mbo mu,>> se e bila ayan.

18 De geri shekeri, totolo rikishi na e dege a sisika ni shoja de su ma kpanku jaru ni a kiya ni mbode sani Biturusu. 19 A beyi de Yiridu bila Biturusu de e geni yi ba, e minya worede su ma kpanku jaru a kwanki ni e beyi doka nkye de su kisa su.

Bayi daa ni Yiridu dege butu kesa ni Yawudiya te zunwa a kesa ni Keseriya a kwanki ni.

20 A kwanki ni Yiridu e ma yi anwashi nja ntani Taya nja Sidon; se su hada kiya asu tala ntani gabada de su zo anya ni Yiridu de su bila zunwa selema nja shi. tunde Su bila goyi beyi ni Bilatu, su te anya ni Yiridu de su bila zunwa ni selema, sobon kesa su ma samu mbosi su dege kesa yi la

21 A siki nana de su shiriya Yiridu, sa keyi e yi ni solota, e zuzunwa a kiya ni kingbolo e yi ni solota e mayi su beta.

22 De ntani zi mbode seleki Yiridu pala se su yi kuruwa, <<Daa mu ma murinya boka na, ba ni nsebeki na ba.>> 23 Dandani, nkaa Hirudus beyi yobo nja Mirikisi ba, meleku ni Mirikisi dukwa e yi e puari, se osunso suku yi ari e muntu.

24 Sede beta ni Mirikisi e ma te sigeba a ko anga.

25 De Barnaba nja Shawulu su gama ANKI asu, su kuma mbayi te Wurishelima, su la Yaaya, de su ma sukwa yi Marikusu.