5 De Biturusu ma a siki jaru, sede nsubiya Yesu su ma lepa ba Mirikisi soseyi a kiya Biturusu.
7 Dandani se Meleku ni Obagizi yi asikye a siki jaru ni. Meleku ni kpa Biturusu a keteri e dege yi a bisi. Meleku nkye,<<Yi seberi, de ki dege a bisi!>>e pala, se serika ni butu puari a wuya nani Biturusu.
10 De su bishe nsu kpanku jaru ni daa nja ni bi su zo a siki kopa ni keripi da de biya ta a siki geri. Kopa bure ba su nkiya e yi, se su butu. De su zo a karishe ni turiki daa, dandani se Meleku ni bila e yi.
12 De Biturusu geni mbode paru nja shi, e te a gizi ni Meremu amaa ni Marikusu, anya de ntani nyowa tala su ma yi lepa. 13 Biturusu buga kopa ni kolonwa, yaa mase daa de ma bunwa seni e yi Roda zo de e geni ko waa ma buga kopa. 14 De Roda zi murinya ni Biturusu, e sika ni peri siki e bure kopa ba e kuma mbayi ni gudu e pala gye su nkye, <<Biturusu na sakisi a baki kopa!>>
15 Su pala gye yaa mase ni nkye, <<E shina mbode e mayi ba. Yaa mase ni ma te pala gye su, su nkye, <<Yaama meleku e yi na.>>
16 Sede Biturusu te buga kopa, de su bure kopa su geni Biturusu sakisi, su yi mamanki.